Gwneud cais rheolaeth adeiladu ar-lein

• Cliriwch storfa (cache) eich porwr cyn mewngofnodi – bydd hyn yn sicrhau bod y system yn llwytho'r wybodaeth i mewn i'ch cais yn gywir ac nad oes unrhyw hen wybodaeth i'w gweld. 
• Dechreuwch sesiwn newydd drwy fynd i https://cymraeg.planningportal.wales/app/landing-page¹ a mewngofnodi. Byddwch yn defnyddio'r un manylion mewngofnodi i gael mynediad i geisiadau cynllunio a cheisiadau rheolaeth adeiladu.
• Enwch eich cais gan ddefnyddio cyfeiriad y safle – bydd hyn yn eich galluogi i'w adnabod yn hawdd yn nes ymlaen a bydd yn helpu'r corff rheolaeth adeiladu i adnabod eich cais pan fydd yn ei gael.
• Cwblhewch y ffurflenni gan ddefnyddio priflythrennau a llythrennau bach – ysgrifennwch yn ôl yr arfer gan ddefnyddio priflythyren ar ddechrau pob brawddeg – er mwyn helpu'r corff rheolaeth adeiladu i'w prosesu.
• Storio eich cais unwaith y bydd y corff rheolaeth adeiladu wedi'i gael. Byddwch yn gwybod bod yr awdurdod rheolaeth cynllunio wedi cael y cais gan y bydd ei statws yn newid o ‘cyflwynwyd’ i ‘derbyniwyd’.

Cyfathrebu electronig

Rydym yn annog defnyddwyr i gynnwys eu cyfeiriad e-bost ar y ffurflen gais bob tro, fel y gall cyrff rheolaeth adeiladu gyfathrebu'n electronig â nhw drwy gydol y broses.

Nodwch: Pan gyflwynir cais ar-lein, tybir bod yr ymgeisydd wedi cytuno â'r canlynol:

• i'r corff rheolaeth adeiladu ddefnyddio gohebiaeth o'r fath at ddibenion y cais;
• mai cyfeiriad yr ymgeisydd at y dibenion hynny yw'r cyfeiriad a roddir gyda'r cais;
• y bydd y cytundeb hwn yn parhau nes i'r ymgeisydd hysbysu'r corff rheolaeth adeiladu yn ysgrifenedig i roi'r gorau i ddefnyddio gohebiaeth electronig.

1. https://cymraeg.planningportal.wales/app/landing-page