Gwneud cais rheolaeth adeiladu ar-lein

Pan fyddwch wedi creu cais newydd neu pan fyddwch yn agor un sy'n bodoli eisoes o'r adran 'Ceisiadau', byddwch yn cael eich tywys i drosolwg ar gyfer y cais hwnnw. Mae'r sgrin hon yn eich galluogi i weld a rheoli manylion y ffurflen gais, sy'n dangos i chi faint o bob adran sydd wedi'i gwblhau a meysydd sydd angen gwybodaeth cyn y gellir cyflwyno'r cais.

Mae'r sgrin hon hefyd yn dangos enw'r cais, ei rif cyfeirnod rheolaeth cynllunio, y math o gais rydych yn gwneud cais amdano, a statws y cais rheolaeth adeiladu a'r dyddiad y cafodd ei ddiweddaru ddiwethaf gennych.

O'r sgrin trosolwg, gallwch hefyd lawrlwytho copi â dyfrnod o'r cais drafft cyn i chi ei gyflwyno, neu gopi o'r cais wedi'i gwblhau ar ôl i chi ei gyflwyno.

Y broses gwneud cais ar-lein

Gan ddefnyddio'r botymau gweithredu, gallwch fynd i'r adran gywir er mwyn cwblhau'r tasgau canlynol:

1. Cwestiynau – Cwblhau cwestiynau'r cais (mae'r adran hon hefyd yn rhestru'r holl adrannau ac yn dangos bar cynnydd)
2. Lanlwytho cynlluniau a dogfennau – Atodi dogfennaeth ategol
3. Gofyn am ffi gwneud cais a'i rheoli – Gofyn am ffi gan gorff rheolaeth adeiladu drwy'r gwasanaeth neu reoli ffi sydd eisoes wedi'i darparu.
4. Cyflwyno cais
   • Cadarnhau bod y cais wedi'i gwblhau a'i fod yn barod i'w gyflwyno
   • Cytuno â'r datganiad a chyflwyno
   • Talu'r ffi gwneud cais a'r tâl gwasanaeth

Unwaith y bydd y taliad wedi dod i law ac wedi cael ei gydnabod, caiff y cais ei gyflwyno i'r corff rheolaeth adeiladu. Nodir y camau hyn yn yr adran nesaf, dewiswch o'r rhestr er mwyn parhau i ddarllen.